୫୦ ବର୍ଷ ଇଣ୍ଡଷ୍ଟ୍ରିରେ ରାଜ୍ କରିଥିଲେ ମନୋଜ କୁମାର, ଦେହାନ୍ତ ପରେ ଛାଡିଗଲେ ଏତିକି କୋଟିର ସମ୍ପତ୍ତି

Published By : Prameya-News7 Bureau | April 04, 2025 IST

ମୁମ୍ଵାଇ ୦୪।୦୪; ଭାରତୀୟ ଚଳଚ୍ଚିତ୍ର ଶିଳ୍ପର ଜଣେ କିମ୍ଵଦନ୍ତୀ ତାରକା ଦୁନିଆକୁ ଅଲବିଦା କହିଛନ୍ତି। ଶୁକ୍ରବାର ସକାଳେ ଅଭିନେତା ମନୋଜ କୁମାରଙ୍କ ଦେହାନ୍ତ ହୋଇଛି। ସେ ୮୭ ବର୍ଷ ବୟସରେ ମୁମ୍ବାଇର କୋକିଲାବେନ୍ ହସ୍ପିଟାଲରେ ଶେଷ ନିଶ୍ୱାସ ତ୍ୟାଗ କରିଛନ୍ତି। ସେ ଭୋର ୩:୩୦ ରେ ଶେଷ ନିଶ୍ଵାସ ତ୍ୟାଗ କରିଥିଲେ। ସ୍ୱାସ୍ଥ୍ୟ ସମସ୍ୟା ଯୋଗୁଁ ସେ ଦୀର୍ଘ ଦିନ ଧରି ହସ୍ପିଟାଲରେ ଥିଲେ। ଅଭିନେତାଙ୍କ ମୃତ୍ୟୁରେ ସାରା ଦେଶ ଦୁଃଖିତ ଏବଂ ଶୋକ ପ୍ରକାଶ କରୁଛି। ଅଭିନେତାଙ୍କ ପରିବାର ମଧ୍ୟ ତାଙ୍କ ମୃତ୍ୟୁରେ ଶୋକ ପ୍ରକାଶ କରୁଛନ୍ତି। ୫୦ ବର୍ଷର କଠିନ ପରିଶ୍ରମ ଏବଂ ରୋଜଗାରକୁ ମଧ୍ୟ ଛାଡ଼ି ଯାଇଛନ୍ତି।

ସେଲିବ୍ରିଟି ନେଟ୍ ୱର୍ଥ ଅନୁଯାୟୀ, ମନୋଜ କୁମାରଙ୍କ ସମ୍ପତ୍ତି ପ୍ରାୟ ୨୦ ନିୟୁତ ଡଲାର ଅର୍ଥାତ୍ ପ୍ରାୟ ୧୭୦ କୋଟି ଟଙ୍କା ବୋଲି ଆକଳନ କରାଯାଇଥିଲା। ସେ ଭାରତୀୟ ସିନେମାରେ ଏକ ଦୀର୍ଘ ଏବଂ ସଫଳ କ୍ୟାରିଅରରୁ ଏହି ସମ୍ପତ୍ତି ଅର୍ଜନ କରିଥିଲେ। ଯେଉଁଠାରେ ସେ ଜଣେ ଅଭିନେତା, ନିର୍ଦ୍ଦେଶକ ଏବଂ ଚିତ୍ରନାଟ୍ୟ ଲେଖକ ଭାବରେ କାର୍ଯ୍ୟ କରିଥିଲେ। ଅଭିନୟ ବ୍ୟତୀତ, ସେ ତାଙ୍କର କିଛି ପ୍ରସିଦ୍ଧ ଚଳଚ୍ଚିତ୍ରର ନିର୍ଦ୍ଦେଶନା ମଧ୍ୟ ଦେଇଥିଲେ।  ଯାହା ବକ୍ସ ଅଫିସରେ ହିଟ୍ ହୋଇଥିଲା। ଏବେ ତାଙ୍କର ରୋଜଗାର ତାଙ୍କ ପରିବାର ପାଖକୁ ଯିବ।

ମନୋଜ କୁମାରଙ୍କ ପ୍ରେମ କାହାଣୀ

ମନୋଜ କୁମାରଙ୍କ ପତ୍ନୀଙ୍କ ନାମ ଶଶି ଗୋସ୍ୱାମୀ। ସେ ତାଙ୍କର ପ୍ରେମ କାହାଣୀକୁ ମନେ ପକାଇ କହିଥିଲେ, 'ମୋର ସ୍ନାତକୋତ୍ତର ସମୟରେ, ମୁଁ ପୁରୁଣା ଦିଲ୍ଲୀରେ ଜଣେ ବନ୍ଧୁଙ୍କ ଘରକୁ ପାଠପଢ଼ିବାକୁ ଯାଉଥିଲି ।ଏଠାରେ ମୁଁ ପ୍ରଥମ ଥର ପାଇଁ ଶଶିଙ୍କୁ ଦେଖିଥିଲି।' ମୁଁ ଭଗବାନଙ୍କ ରାଣ, ମୁଁ ମୋ ସାରା ଜୀବନରେ କେବେ କୌଣସି ଝିଅକୁ ଦେଖିନାହିଁ, କିନ୍ତୁ ଶଶିଙ୍କ ଭିତରେ ଏପରି କିଛି ଯାଦୁ ଥିଲା ଯେ ମୁଁ ତାଙ୍କ ମୁହଁରୁ ଆଖି ହଟାଇ ପାରିଲି ନାହିଁ। ଏବଂ ଦେଢ଼ ବର୍ଷ ଧରି ଆମେ ଦୁହେଁ ଦୁହିଁଙ୍କୁ ଦୂରରୁ ଦେଖିଲୁ। କାରଣ ସେତେବେଳେ ଆମ ମଧ୍ୟରୁ କାହାରି ପରସ୍ପର ସହିତ କଥା ହେବାକୁ ସାହସ ନଥିଲା।

ଅଭିନେତା ଆହୁରି କହିଛନ୍ତି ଯେ ସେ ଏବଂ ଶଶି ଫିଲ୍ମ "ଉଡାନଖଟୋଲା" ଦେଖିବାକୁ ଯାଇଥିଲେ। 'ମୋ ବନ୍ଧୁମାନଙ୍କ ସହିତ ଫିଲ୍ମ ଦେଖିବା ପରେ, ଆମେ ପ୍ରାୟତଃ ଭେଟିବା ଆରମ୍ଭ କଲୁ।' ଆମ ସମ୍ପର୍କରେ ମୋ ବାପାମାଙ୍କର କୌଣସି ଆପତ୍ତି ନଥିଲେ ମଧ୍ୟ, ଶଶିଙ୍କ ଭାଇ ଏବଂ ମାଆ ଆମ ବିରୁଦ୍ଧରେ ଥିଲେ। ମନୋଜ ଏବଂ ଶଶିଙ୍କ ପୁଅ କୁନାଲ ଗୋସ୍ୱାମୀ ୧୯୯୯ ମସିହାରେ ମୁକ୍ତିଲାଭ କରିଥିବା ଜୟ ହିନ୍ଦ ଚଳଚ୍ଚିତ୍ରର ନିର୍ଦ୍ଦେଶନା ଦେଇଥିଲେ। କିନ୍ତୁ, ଏହି ଚଳଚ୍ଚିତ୍ରଟି ବକ୍ସ ଅଫିସରେ ଭଲ ପ୍ରଦର୍ଶନ କରିନଥିଲା। ଏହି ବରିଷ୍ଠ ଅଭିନେତାଙ୍କ ସମ୍ପର୍କୀୟ ଭାଇ ହେଉଛନ୍ତି ଟିଭି ପ୍ରଯୋଜକ ମନୀଷ ଗୋସ୍ୱାମୀ।

News7 Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.